ლევან აკინი 

რეჟისორი

დ. 1979, 14.12 (ტუმბა, შვედეთი). 

მშობლები 70-იანი წლების დასაწყისში ჩავიდნენ შვედეთში ემიგრანტების სტატუსით. კარიერას    შვედეთის სამაუწყებლო ქსელში SVT- ში სტაჟირებით  იწყებს.  მოგვიანებით მუშაობდა  სახელგანთქმულ რეჟისორ როი ანდერსონთან  ცნობილ "სტუდია 24" -ში.  ასევე  მუშაობდა რეჟისორის ასისტენტად რამდენიმე სატელევიზიო და კინოპროდუქციაზე,   პარალელურად იღებს   საკუთარ მოკლემეტრაჟიან ფილმებს. „ბოლო რამ“  მისი პირველი  ოფიციალურად გამოშვებული მოკლემეტრაჟიანი ფილმია. 2009-2012 წლებში, როგორც რეჟისორს, გადაღებული აქვს სატელევიზიო სერიალების  ოცამდე  სერია.

ფილმოგრაფია

 ბოლო რამ (Last things, De sista sakerna, შვედეთი,  2008) - სცენარისტი, რეჟისორი

 კატინკას წვეულება (Certain people, Katinkas kalas,  შვედეთი, 2011) - სცენარისტი, რეჟისორი

 წრე (Cirkeln, შვედეთი,  2015) - სცენარისტი, რეჟისორი

 და ჩვენ ვიცეკვეთ (And Then We Danced, საქართველო-შვედეთი2019) -   სცენარისტი, რეჟისორი, მემონტაჟე