ნიკო (ნიკოლოზ) გომელაური

პოეტი, მსახიობი

დ.12.07.1970, თბილისი - გ. 13.04.2010, თბილისი

1992 წელს დაამთავრა შოთა რუსთაველის  თეატრისა და კინოს უნივერსიტეტი. მუშაობდა გრიბოედოვის თეატრსა და თავისუფალ თეატრში. იყო კოტე მარჯანიშვილის პრემიის ლაურეატი.

თეატრში ნათამაშები აქვს სპექტაკლებში:

გრიბოედოევის თეატრი - „მე, ბულატ ოკუჯავა“, „ხანუმა“, „ცხოვრება მშვენიერია“, „იცხოვრე და გახსოვდეს“, "ოსტატი და მარგარიტა“, „ორი წყვილი, ანუ ვინ არის ჩარლი“, „რუსული ბლუზი“, „სიზმრები საქართველოზე“, „მისტიფიკატორი“; თავისუფალი თეატრი - „კომენდიანტები“, „ძმები“, „იდიოკრატია“, „კავკასიური ცარცის წრე“, „ჰამლეტი“, „ჯინსების თაობა“, „ტელემისტერია“, „ბავშვის თვალებით“, „ღმერთო, დაგვიფარე ჩვენ და ადამიანები“.

2001 წელს მან ლექსების პირველი კრებული გამოუშვა. სულ გამოცემული აქვს ხუთი პოეტური კრებული. მისი კრებულებია: უაზრო ლექსი. ლექსები - თბილისი, თობალისი, 2004. - 98გ ; უბრალოდ ნათქვამი : კრებული - თბილისი, სიესტა, 2010. - 132გვ.; უბის ლექსი - თბილისი, თობალისი, 2010. - 122გვ.; რუსული პოეზია. თარგმანები - თბილისი, 2010. - 183გვ. ოცნებები მცნებებივით ირღვევიან... : ლექსები ქართ. და რუს. ენ. - თბილისი, ფავორიტი პრინტი, 2011. - 340გვ.

2009 წელს მას აღმოუჩინეს ფილტვის კიბო.  გარდაიცვალა 2010 წლის 13 აპრილს, ხანგრძლივი ავადმყოფობის შემდეგ. 2011 წელს რეჟისორმა გიორგი ბერიძემ გადაიღო მხატვრულ-დოკუმენტური ფილმი "ნიკო... აპლოდისმენტები“, რომელიც ნიკო გომელაურის შემოქმედებას ეძღვნება.

 

ფილმოგრაფია

ანემია (1987) - მსახიობი

აქ თენდება (1998) - მსახიობი 

უცხო (1998) - მსახიობი

ძვირფასო მ. (2000) - მსახიობი

იდიოკრატია (2008) - მსახიობი (გოგა, მინისტრი)

ყველაფერი კარგად იქნება (2009) - მსახიობი