სიკო (სიმონ) დოლიძე
რეჟისორი
დ. 8.02.1903, ოზურგეთი - 17. 06.1983, თბილისი, დაკრძალულია დიდუბის პანთეონში
საქართველოს სახალხო არტისტი (1965)
დაჯილდოებული იყო ლენინის, ოქტომბრის რევოლუციის, ორი შრომის წითელი დროშის, საპატიო ნიშნის ორდენებით და მედლებით.
საქართველოს რესპუბლიკის IV-VII და IX მოწვევის უმაღლესი საბჭოს დეპუტატი.
სსრკ სახელმწიფო პრემიის ლაურეატი (დ. რონდელთან ერთად, 1950, მხატვრული ფილმისათვის "ჯურღაის ფარი")
1925 წელს დაამთავრა თბილისის სახელმწიფო უნივერსიტეტის ისტორიულ-ფილოლოგიური ფაკულტეტი.
1920-იან წლებში თანამშრომლობდა "მემარცხენე ფრონტის" მწერალთა დაჯგუფებასთან, მონაწილეობდა ჟურნალ "H2SO4" დაფუძნებაში.
1925 წლიდან დაიწყო მუშაობა "სახკინმრეწვში", თავდაპირველად - ადმინისტრატორად, რეჟისორის ასისტენტად, შემდეგ - მხატვრული და დოკუმენტური ფილმების დამდგმელ რეჟისორად;
1928 წელს დააარსა და სატავეში ჩაუდგა კინოქრონიკის განყოფილებას.
1957-1976 წლებში იყო საქართველოს სსრ კინემატოგრაფისტთა კავშირის თავმჯდომარე.
მისი მეუღლე (მეორე) იყო მსახიობი მეგი წულუკიძე. პირველი მეუღლესთან, რომელიც სიმსივნით გარდაიცვალა ჰყავს ქალიშვილი, რეჟისორი ქეთი დოლიძე.
ფილმოგრაფია
იწის ძახილი (დოკ.1929) - რეჟისორი, სცენარის ავტორი
ოქტომბრის მე-12 წელი (დოკ.1929) - რეჟისორი, სცენარის ავტორი
საბჭოთა ცეილონი (დოკ.1930) - რეჟისორი
ჩემი ბებია (1929) - სცენარის თანაავტორი (გიორგი მდივანთან და კოტე მიქაბერიძესთან ერთად)
საკანი N79 (1930) - სცენარის თანაავტორი (შალვა ალხაზიშვილთან ერთად)
ზვავთა მხარეში (1931) - რეჟისორი, სცენარის ავტორი
ფშავეთი (დოკ. 1932) - რეჟისორი
უკანასკნელი ჯვაროსნები (1934) - რეჟისორი, სცენარის ავტორი
დარიკო (1936) - რეჟისორი, სცენარის ავტორი (ეგნატე ნინოშვილის მოთხრობების მიხედვით)
მეგობრობა (1940) - რეჟისორი, სცენარის თანაავტორი (კონსტანტინე ლორთქიფანიძესთან ერთად)
ჯურღაის ფარი (1944) - რეჟისორი დავით რონდელთან ერთად), სცენარის თანაავტორი (გიორგი ლეონიძესა და დავით რონდელთან ერთად)
სახელოვანი გზა (დოკ. 1946) - რეჟისორი
საბჭოთა საქართველო (1951) - რეჟისორი (რომან კარმენთან ერთად), სცენარის თანაავტორი (რომან კარმენთან ერთად)
ჭრიჭინა (1954) - რეჟისორი (ლევან ხოტივართან ერთად)
ეთერის სიმღერა (1956) - რეჟისორი, სცენარის ავტორი
ჩხიკვთა ქორწილი (ანიმაცია, 1957) - სცენარის ავტორი (ვაჟა-ფშაველას მოთხრობის მიხ.)
ფატიმა (1958) - რეჟისორი, სცენარის ავტორი (კოსტა ხეთაგუროვის პოემის მიხ.)
დღე უკანასკნელი, დღე პირველი (1959) - რეჟისორი, სცენარის თანაავტორი (ევგენი აგრანოვიჩთან ერთად)
პალიასტომი (1963) - რეჟისორი, სცენარის ავტორი (ეგნატე ნინოშვილის მოთხრობის მიხ.)
სათაგური (ანიმაცია), 1965) - სცენარის ავტორი
შეხვედრა წარსულთან (1966) - რეჟისორი, სცენარის ავტორი
ქალაქი ადრე იღვიძებს (1967) - რეჟისორი, სცენარის თანაავტორი (რეზო ებრალიძესთან ერთად)
სემირამიდას ბაღები (1970) - რეჟისორი, სცენარის ავტორი
გაქცევა გათენებისას (1975) - რეჟისორი, სცენარის თანაავტორი (რეზო ებრალიძესთან ერთად)
ბულბულის იუბილე (ანიმაცია, 1978) - სცენარის ავტორი
კაცია ადამიანი?! (1979) - რეჟისორი (ქეთი დოლიძესთან ერთად), სცენარის თანაავტორი (ზაირა არსენიშვილთან ერთად)
კუკარაჩა (1982) - რეჟისორი (ქეთი დოლიძესთან ერთად), სცენარის თანაავტორი (ქეთი დოლიძესთან ერთად)
იხ.
სიკო დოლიძე. მოგონებები. - თბილისი, ხელოვნება, 1984.
ეკა პატარაია. რომელი მწერლის სიკვდილმა დააკარგვინა გონება სიკო დოლიძეს ბერიას კაბინეტში - ჟ." თბილისელები". №51. 22.12, 2020 წელი