სალომე ჯაში
რეჟისორი
05.06.1981, ბათუმი
2002 წელს დაამთავრა თსუ ჟურნალისტიკის ფაკულტეტი, 2005 წელს – საქართველოს საზოგადოებრივ საქმეთა ინსტიტუტის ჟურნალისტიკისა და მედია-მენეჯმენტის კავკასიური სკოლა, შემდეგ ლონდონის უნივერსიტეტის როიალ ჰოლოუეის მედიახელოვნების ფაკულტეტის მაგისტრატურა დოკუმენტური კინოს სპეციალობით. ჟურნალისტად მუშაობდა ტელეკომპანია "რუსთავი 2"-ში. არის დოკუმენტური ფილმების საპროდუქციო კომპანია "საქდოკ ფილმის" თანადამფუძნებელი.
ამჟამად ცხოვრობს გერმანიაში.
ფილმოგრაფია
მათი ვერტმფრენი (2006) - რეჟისორი, ხმის რეჟისორი, მემონტაჟე, პროდუსერი
ერთ-ერთი მინისტრი (2008) - რეჟისორი, მემონტაჟე, პროდუსერი
როცა საათები ჩერდება (2009) - პროდუსერი
დადუმებულები (2009) - რეჟისორი, მემონტაჟე, პროდუსერი
ლიდერი ყოველთვის მართალია (2010) - რეჟისორი, ოპერატორი, მემონტაჟე
ბახმარო (2011) - რეჟისორი, ოპერატორი
დაისის მიზიდულობა (2016) - რეჟისორი, ოპერატორი, მემონტაჟე
მოთვინიერება (2021) - რეჟისორი, ოპერატორი (გოგა დევდარიანთან ერთად)
ციებ-ცხელების შემდგომ (2023) - რეჟისორი, მემონტაჟე, პროდუსერი
იხ. "სუბიექტური დოკუმენტალისტიკა". ინტერვიუ რეჟისორ სალომე ჯაშთან. ესაუბრა გიორგი კალატოზიშვილი – ჟ. filmprint, N2. შემოდგომა 2011