Georgian Cinema - რამაზ ჩხიკვაძე

რამაზ ჩხიკვაძე

მსახიობი

დ. 28. 02. 1928, თბილისი - გ. 17.10.2011, თბილისი.

საქართველოს სახალხო არტისტი (1972), კოტე მარჯანიშვილის სახ. პრემიისა (1975, ყვარყვარე თუთაბერის როლისთვის სპექტაკლში „ყვარყვარე თუთაბერი“ ) და რუსთაველის სახელმწიფო პრემიის ლაურეატი (1980, რიჩარდ მესამის როლისთვის სპექტაკლში „რიჩარდ მესამე“), საბჭოთა კავშირის სახელმწიფო პრემიის ლაურეატი (1979, აზდაკის როლისთვის სპექტაკლში „კავკასიური ცარცის წრე“ ), სსრკ სახალხო არტისტი (1980)., ლენინის ორდენის კავალერი (1988) დაჯილდოებულია მედლებით: ,,შრომითი წარჩინებისთვის", "შრომითი მამაცობისთვის" (1970); ,,საპატიო ნიშნის ორდენით" (1971), თბილისის საპატიო მოქალაქე (1997)

დაიბადა ცნობილი მუსიკათმცოდნის გრიგოლ ჩხიკვაძის ოჯახში და ემზადებოდა მომღერლის კარიერისთვის, მაგრამ თეატრით გატაცებულმა მიატოვა მოსკოვის გნესინების მუსიკალური სასწავლებელი და ჩააბარა თბილისის შოთა რუსთაველის სახელობის სახელმწიფო თეატრალური ინსტიტუტის სამსახიობო ფაკულტეტზე (მიხეილ თუმანიშვილის სახელოსნო), რომელიც 1951 წელს დაამთავრა. 1951 წლიდან მუშაობს რუსთაველის სახ. თეატრში. თეატრში შესრულებული როლებიდან აღსანიშნავია: ქოსა ( „ჭინჭრაქა“), ლეანდრო („ესპანელი მღვდელი“) ყვარყვარე თუთაბერი („ყვარყვარე თუთაბერი“), აკოფა („ხანუმა“), კირილე მიმინოშვილი („სამანიშვილის დედინაცვალი“), აზდაკი („კავკასიური ცარცის წრე“), შოშია ( „საბრლადებო დასკვნა“), რიჩარდ მესამე („რიჩარდ მესამე“), ლირი („მეფე ლირი“) და სხვა.