გოგი (გიორგი) ქავთარაძე

 მსახიობი, რეჟისორი 

 დ. 2.04.1940, თბილისი - გ. 20.12.2020, თბილისი

საქართველოს სახალხო არტისტი (1982); აფხაზეთის ასსრ სახალხო არტისტი (1984); კოტე მარჯანიშვილის სახელობის პრემიის ლაურეატი (1987);  საქართველოს სახელმწიფო პრემიის ლაურეატი (1987);  ღირსების ორდენის კავალერი (1992);  ხელოვნების დამსახურებული მოღვაწე 

 1958 წელს დაამთავრა თბილისის ჭავჭავაძის სახელობის 23-ე საშუალო სკოლა. 1958-1963 წლებში იყო კოტე მარჯანიშვილის თეატრის სცენის თანამშრომელი, რეჟისორის თანაშემწე, მსახიობი. 1963 წლიდან სწავლობდა თეატრალური ინსტიტუტში სარეჟისორო ფაკულტეტზე, რომელიც დაამთავრა 1967 წელს. ამავდროულად იყო რუსთაველის თეატრის მსახიობი.

1963-1969 და 1972-1976 წლებში - რუსთაველის თეატრის მსახიობი, რეჟისორი; 1969-1972- ბათუმის თეატრის მთავარი რეჟისორი, ხოლო 1974-1976 თეატრალური ინსტიტუტის პედაგოგი. 1976-1982 - ქუთაისის თეატრის დირექტორი, სამეცნიერო ხელმძღვანელი. 1982-1992 - სოხუმის თეატრის დირექტორი, სამხატვრო ხელმძღვანელი, ხოლო 1992-1999 წლებში ალექსანდრე გრიბოედოვის სახელობის რუსული დრამატული თეატრის სამხატვრო ხელმძღვანელი; 1999-2004 წლებში რუსთავის თეატრის სამხატვრო ხელმძღვანელი.

1990-1991 წლებში იყო საქართველოს რესპუბლიკის პირველი მოწვევის უზენაესი საბჭოს წევრი საარჩევნო ბლოკი „საქართველოს ერთიანი კომუნისტური პარტიიდან“, ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი). 2012-2016 წლებში იყო საქართველოს მე-8 მოწვევის პარლამენტის წევრი (ზესტაფონის მაჟორიტარი), საარჩევნო ბლოკი: „ბიძინა ივანიშვილი -ქართული ოცნება“.

 

ფილმოგრაფია

ქორწილი (1964) - მსახიობი (ჭაბუკი)  

ბოდიში, თქვენ გელით სიკვდილი ( 1965) - მსახიობი (თვითმარქვია კბილის ექიმი)  

ლებედევი ლებედევის წინააღმდეგ («Лебедев против Лебедева», "მოსფილმი", 1965) - მსახიობი (გოგი)

მაცი ხვიტია (1966) - მსახიობი   (კოჭოია)  

არ იდარდო! (1968) - მსახიობი  (ლუკა)  

განგაში (1968) - მსახიობი  (ყარამანი)  

რუსეთში («По Руси́», "მოსფილმი", 1968) - მსახიობი (თავადი შაქრო)

წითელი დიპლომატი. ლეონიდ კრასინის ცხოვრების ფურცლები  («Красный дипломат. Страницы жизни Леонида Красина», "ლენფილმი", 1971) - მსახიობი (აბელ ენუქიძე)

გაზაფხულის საღამო (1972 ) - მსახიობი 

თეთრი ქვები (1972) - მსახიობი  (ფოტოგრაფი)  

ჩარი-რამა (1972) - მსახიობი  (გურამი)  

ბებერი მეზურნეები (1973) - მსახიობი  (მილიციელი)  

ვერის უბნის მელოდიები (1973) - მსახიობი  (პოლიციელი)

ლაზარეს თავგადასავალი (1973) - მსახიობი 

წკიპურტები (1973) - მსახიობი 

წყარო გზის პირას (1974) - მსახიობი 

გაქცევა გათენებისას (1975) - მსახიობი (თეოფილე)  

ერთი ნახვით შეყვარება (1975) - მსახიობი

ბაკულას ღორები (1976)  - მსახიობი (მაღალი ჩინის კაცი) 

სტუმარ-მასპინძლობის კანონებით («По законам гостеприимства», ალმანახი "«Сто грамм для храбрости…» , "მოსფილმი", 1976) - მსახიობი (გიორგი გიორგევიჩ ჩხიკვაძე, იგივე გოგი, დისერტანტი)

Подра́нки ("მოსფილმი", 1976) - მსახიობი (ფიზკულტურის მასწავლებელი)

სათადარიგო ბორბალი (1978) - მსახიობი 

ზღაპარი (1980) - მსახიობი 

იცოცხლე, გენაცვალე (1981) - მსახიობი  (თამაზი, ჯემალი, გიორგი, ნოდარი)  

კუკარაჩა (ტელედადგმა, 1981) - მსახიობი (კუკარაჩა)

ბუდულაის დაბრუნება («Возвраще́ние Будула́я»,  4 სერია, "მოსფილმი",1985) - მსახიობი (სამსონი)

ერთ პატარა ქალაქში (1985)  - მსახიობი (ჯანიკო ქვარიანი)  

ოჯახი (1985) -   მსახიობი (რეზო)

შარვალი (ალმანახი "ასეც ხდება", 1988) - მსახიობი 

ნიკოლაი ვავილოვი («Николай Вавилов», 6 სერია, "მოსფილმი", გოსტელერადიოს დაკვეთით, 1990) - მსახიობი (სტალინი)

ყარიბების შესვენება («Привал странников», 3 სერია, "სოიუზტელეფილმი", 1990) - მსახიობი (გივი ლომიძე) 

ოქროს ობობა (1992) - სცენარის თანაავტორი, თანარეჟისორი, მსახიობი (ივანე გიორგაძე) 

იასამანი (1997) - მსახიობი 

დრონგო (Дронго, ტელეფილმი, 13 სერია, 2002) - მსახიობი (ავთანდილ მიხაილოვიჩი, აჭარის ვიცე-პრემიერი)

ღმერთო, რისი გულისთვის! (2003) - მსახიობი

სკამი (2004)  - მსახიობი 

ტერცო მონდო (2024) - მსახიობი